ዖና፤ ዖና ሰነት፣
1970
ክም ዮም ልትፋቃደኒ
ዋርሕ ታሕሳስ ቱ መስለኒ
ስነት ሳብዒናት ቱ ገጋ ልክላአኒ
ዓድ ምሉእ እብ እሳት ባዳ
ሻዓብ ብዙሕ እብ እሳት ናዳ
ላታርፋ እብ ራሻሻት ቃራዳዳ
አንስ ዎ ኣጀኒት ክም ዕጨይ ነድው
ሰብ ገነድብ ዲብ አብያቶም ሐረው
ደም፤ ደም ሰብ ምድር ክም ማይ ዋሐዘው
አጥፋል፡ አጀኒት ዲብ ጣቡ ሞቶው
አንስ እት ልጥሕና፤
ሰብ ታብዕን ዲብ ልትሰለው
ምን ፎርቶ እብ ማዳፍዕ ትረሸነው
ኡይ ትቤ ከረን ማውዒታት ወደት
ምን ላዓል ዎታሓት ሰድያይ ሰኣነት
ክም በዲራ ክም አማላ ዲብ ነፍሳ ትወከለት
ላሞቶው እግል ልቅበሮ
ቃብር እግል ልሕፈሮ
ከፈን አብጀዲድ እግል ልምተሮ
ውላድ፡ አዋልድ ተምሃሮ
ሕበር ቃንጸው አዳሞም እግል ልድፈኖ(ልቅበሮ)
ጋናይዝ፤ ጋናይዝ በዝሓያ
ጣቆታት ደካኪን ከረን ኢካፋያ
አደረ እማትና አትሓዛያ
ምን ደሚርየ(ልብዬ) ኢትበደ
ኢእትራሳዕ ዎ ኢእትበረ
እብ ዕንየ ረኤኮ እትልትመንከል፤
እብ ደም ቃይሕ አደረ!!
ያሲን አብራሂም
2/12/2006
Short URL: https://english.farajat.net/?p=1391
Posted by 
