ኣብርሃም ኣፍወርቂ „ፍሽኽታ ኣመሉ“
ሞትካ ብምስመዐይ ብዙሕ ሓዚነ
እንታይ እሞ ይገበር ካብ ኮነ
ከም ሰብ እኳ ምእማኑ ሲኢነ
ብደርፍኻ ብዙሕ ሚሂርካ
ብደርፍኻ ብዙሕ ተሰፋ ሂብካ
ብደርፍኻ ብዙሕ ተነቢኻ
ብግብሪ እንደሞ ከይረኣኻዮ ከድካ
ኣብርሃም (ሞክሲ) ብዙሕ ተሃዊካ
ባሕሪ “ዓለም” ሓደገኛ ምኻኑ ሚሂርካ
ሓንቢሱ ንዘይክእል እውን ኣጠንቂቕካ
ስለምንታይ ድኣ ንርእስኻ ዘይተጠንቀቕካ
እንታይሞ ይገበር ካብ ኮነ
ከም ሰብ እኳ ምእማኑ ሲኢነ
ስዒብካዮ (ንባርያ) የማነ
ኣዕልሎ ኢኻ ብድሕሪኡ ዝኾነ
ቃልሲ መናብርትና ምኻኑ ሚሂርካ
ሽግር ሓላፋይ ምኻኑ ሓቢርካ
ንቕድሚት ንክንሪኢ ኣተሓሳሲብካ
ብተስፋ ክንነብር ሚዒድካ
ኣማን ብኣማን ሓቅኻ
ሲኢናያ እንደሞ እታ ፍሽኽታኻ
ሲኢናያ እንደሞ እታ ፍሽኽታኻ
ጽንዓት ይሃቦ ንሕዝብኻ
ኣምላኽ ከኣ ይቀበልካ ብፍሽኽታ !!
ኣብራሃም ተኽለ
ፍራንክፈርት
15.10.2006
Short URL: https://english.farajat.net/?p=2329
Posted by 
