ማእከላይ መሪሕነት ግንባር ሃገራዊ ድሕነት ኤርትራ ኣብ ቀዳማይ ኣኼብኡ ኣባላት ፈጻሚ ቤት ጽሕፈት መሪጹ ።
| GIC |
| 25/08/2006 |
| ግንባር ሃገራዊ ድሕነት ኤርትራ ድሕርቲ ብዕለት 15/08/2006 ጀሚሩ ንኣስታት ሓደ ሰሙን ክቕጽል ዝቐነየ መስመሪ ጉባኤ ሰለስተ ውድባት ፡ ኣብ መወዳእታ 37 ዝኣባላታ ማእከላይ መሪሕነት ብምምራጽ ጉባኤኡ ብዓወት ዛዚሙ ። ብድሕርዚ ማእከላይ መሪሕነት ግንባር ንኽልተ መዓልታት ዝወሰደ ቀዳማይ ኣኼብኡ ብምቅናዕ ኣባላት ፈጻሚ ቤት ጽሕፈት መሪጹ ።
እቲ ውጽኢት ናይቲ ኣኼባ ካብቲ ትጽቢት ዝተገብረሉ ንላዕሊ ኣወንታዊ ከምዝነበረ ተፈሊጡ ኣሎ ። ብመሰረት እቲ ዝተገብረ ናይ ፈጻሚ ቤት ጽሕፈት ምርጫ ሰለስተ ሓደሽቲ ኣባላት ናብ መዝነት ከምጽእ እንከሎ እቶም ዝተረፉ ግን ኣብ መሪሕነት ሰለስቲኣን ውድባት ዝጸንሑ እዮም ። ኣገባብ ኣመራርጻ ፈጻምቲ ኣባላት ብሓፈሻ ኣመራርጻ ድምጺ ብምሃብ ዘይኮነስ ብስምምዕ ከምዝነበረ ካብቲ ቦታ ዝረኸብናዮ ሓበሬታ የረድእ ። እዚ ዝኾነሉ ምኽንያት ከኣ እቲ ምርጫ ብድምጺ ምግባሩ ተኣፋፍን ተሃዋስን ብምዃኑ ፡ ኣቲ ባይቶ ብብቕዓት መዚኑ ኣብ ዝግባእ ቦታ ዝበቅዕ ሰብ ከምዝመዝዝ ተጌሩ ። ኣብዚ ከይተጥቕሰ ክሕለፍ ዘይግብኦ ኣብቲ ዝነበረ ናይ ምምዛዝ ኣጋጣሚ ምርድዳእን ፡ ሓድሕዳዊ ልዝብን ዝለዓለ ቦታ ሒዙ ከምዝነበረ ፡ ከምውጽኢት ናይዚ ኸኣ ብቲ ዝተገብረ ምምዛዝ ኣባላት ፈጻሚት ቤት ጽሕፈት ኩሉ ኣባል ዕጉብ ምምዃኑ ይግለጽ ኣሎ ። ብመሰረት እቲ ማእከላይ መሪሕነት ኣቕርብዎ ዘሎ ናይ ፈጸሚት ኣብያት ጽሕፈታትን ዝተመዘዙ ኣባላትን ብኸምዚ ዝስዕብ ነቕርበልኩም ። ካብ ተጋደሎ ሓርነት ኤርትራ ሃገራዊ ጉባኤ ዶክተር በየን ኪዳነ : ኣቦ መንበር ፈጻሚት ቤት ጽሕፈት ተጋዳላይ ዓብደላ ሓሰን : ሓላፊ ቤት ጽሕፈት ጸጥታዊ ጉዳያት ተጋዳላይ ጃብር ኣሕመድ :- ሓላፊ ወተሃደራዊ ቤት ጽሕፈት ካብ ህዝባዊ ምንቅስቓስ ኤርትራ ተጋዳላይ ዓብደላ ኣደም: ሓላፊ ቤት ጽሕፈት ወጻኢ ዝምድናታት ተጋዳላይ ዑቕባይ ተኽሉ : ሓልፊ ቤት ጽሕፈት ቑጠባን ፋይናንስን ተጋዳላይ ኣሕመድ ኢብራሂም : ሓልፊ ቤት ጽሕፈት ማሕበራዊ ጉዳያት ካብ ሰውራዊ ዲሞክራሲያዊ ግንባር ኤርትራ ተጋዳላይ ብርሃነ የማነ : ምክትል ኣቦ መንበርን ሓላፊ ውድባዊ ጉዳያትን ተጋዳላይ ነጸረኣብ ኣስመላሽ : ሰክሪተር ተጋዳላይ ገብረሚካኤል : ሓላፊ ቤት ጽሕፈት ዜና |
Short URL: https://english.farajat.net/?p=3230
Posted by 
