ሓደ ኮለኔል ዝርከቦም 250 መንእሰያት ኣብ ሓደ ሰሙን ኣብ ሱዳን ኣትዮም
| ካብ መርበብ ኢንተርነት ኣዱሊስ ዶት ኮም |
|
 መስርሕ ምጽንቃቕ ናይ ኤርትራ ካብ’ቶም ብሉጻት ዓቕምታታ ዝዀኑ መንእሰያት ይቕጽል ኣሎ። ካብ ዕለት 1-7 መስከረም 2006 ኣብ ዘሎ ግዜ፡ ሓደ ኮለኔል ዝርከቦም 250 መንእሰያት ካብ ሰራዊት ዲክታቶርያዊ ስርዓት ኣስመራ ኣምሊጦም ናብ ሱዳን ምእታዎም ተፈሊጡ ኣሎ። ኣብ መንጐ’ዞም ናብ ሱዳን ዝኣተዉ፡ መብዛሕትኦም ካብ መበል 19ን 20ን ዙር ሃገራዊ ኣገልግሎት ዝዀኑ መንእሰያት 17 ደቂ ኣንስትዮ ይርከብኦም።ምስ’ዞም መንእሰያት እዚኣቶም ኣብ ዝተገብረ ዝርርብ፡ ናብ ሱዳን ምብጻሖም ሕጕሳት ምዃኖም ድሕሪ ምግላጽ፤ ኣብ ትሕቲ ስርዓት ህግዲፍ ኵሉ መዳያት ናይ ህይወት ብፍላይ ከኣ፡ ምጣነ-ሃብታዊ መዳይ እናኸፍአ ይኸይድ ምህላዉ ኣረጋጊጾም። ሓደ ካብ’ቶም መንእሰያት ከኣ፡ ስርዓት ኢሳያስ፡ ንኵሎም መንእሰያት ካብ ትምህርትን ካልእ ህያው ዝዀነ ንጥፈታትን ኣጐናዲቡ፡ ኣብ ሰራዊት ምጽንባሩ ጥዕና ዘለዎ ስራሕ ኣይኰነን ዝገብር ዘሎ ኢሉ። ቀጺሉ፡ መላእ ህዝቢ ኤርትራ ካብ’ዚ ስርዓት’ዚ ክናገፍ ከምዝደሊ ድሕሪ ምግላጽ፡ ንዅሎም ኤርትራውያን ብሓፈሻ፥ ንሰዓብቲ ክርስትና ድማ ብፍላይ፡ እንቋዕ ናብ በዓል ቅዱስ ዮውሃንስ ኣብጽሓኩም፤ እዚ ዓመት’ዚ ከኣ፡ ካብ’ዚ ዲክታቶርያዊ ስርዓት’ዚ እንገላገለሉ ዓመት ይግበረልና ብምባል ናይ ዮሃና መልእኽቱ ኣመሓላሊፉ።
ኢሳያስ ኣፍወርቂ፡ ክሃድም ዝፈተነ ይኹን ኣብ ህድማ ዝተሓባበረ ዝዀነ ይኹን ሰብ ክቕተል ኣለዎ ዝብል ትእዛዝ ከምዘመሓላለፈ ዝዝከር’ዩ። እዚ ትእዛዝ’ዚ ግን፡ ንህድማ ናይ መንእሰያት ክሳዕ ሕጂ ደው ከብሎ ኣይከኣለን። |
Short URL: https://english.farajat.net/?p=3294
Posted by 
