መግለጺ ሓዝን ብምኽነያት ምጥሓል ኤርትራውያን ስደተኛታት

ኤርትራዊ ዲሞክራስያዊ ኪዳን ብዕለት 19/04/2015 ካብ ሊብያ ናብ ሃገራት ኤውሮጳ ኣብ ዝጓዓዝሉ ዝነበሩ ግዜ ኣብ ባሕሪ ሜዲትራንያን ናይ መርከብ ምጥሓል ሓደጋ ኣጋጢሙ ከባቢ 350 ኤርትራውያን ስደተኛታት ብምህላቖም ዝተስምዑ መሪር ሓዘን ይግለጽ።

ጠንቂ ስደት ኤርትራውያን ቁጠባዊ ስእነት ዘይኮነስ፡ ብቅንዱ ምንጪ ናይ’ዚ ስደትን ሓደጋታቱን፡ ኣዕናዊ ፖለሲታት ገባቲ ስርዓት ህ.ግ.ደ.ፍ. ምዃኑ በዚ ኣጋጣሚ’ዚ ክረጋግጽ ይፍቱ። ካብ’ዚ ብምብጋስ ከኣ፡ ማሕበረ ሰብ ዓለም ነዚ ጉዳይ’ዚ ኣተኩሮ ክገብርን ልዑል ሓላፍነቱ ክጻወትን ኤርትራዊ ዲሞክራስያዊ ኪዳን የማሕጸን።

ኣብ መወዳእታ፡ ንህዝቢ ኤርትራን ዜጋታት ዝተፈላለያ ሃገራትን ብሓፍሻ፡ ንመላእ ቤተሰብ ግዳያት’ዚ ሓደጋ’ዚ ብፍላይ ጽንዓት ይሃብኩም እናበለ ንግዳያት ዝኾኑ ድማ መንግስተሰማያት የዋርሶም ይብል።

ኤርትራዊ ዲሞክራስያዊ ኪዳን

24 ሚያዝያ 2015

Short URL: https://english.farajat.net/?p=9579

Posted by farajat on Apr 26 2015 Filed under News. You can follow any responses to this entry through the RSS 2.0. You can leave a response or trackback to this entry