ሃገራዊ ዕርቂ’ዶ ሃገራዊ ፍትሒ??
ህዝቢ ኤርትራ ን30 ዓመታት ንመሰልን ሓርነትን ከናዲ ዘይስገር ሰጊሩ መስተንክራዊ ዓወት ፈጺሙ ናጽነት ከምጽእ እንከሎ ህርፋን ውግእን ህኮትን ኔርዎ ዘይኮነ ነቲ ብሰላማዊ መንገዲ ሓቲቱ ዝሰኣኖ መሰል ንምምላስ’ዩ ኣንጊሁ በረኻ ወጽዩ፡ ፤ብኣሽሓት ዝቑጸሩ ስንኩላትንስዉኣትን ከፊሉ ከኣ ናጽነቱ ተጎናጺፉ፡ ፤ተጋዳላይን ሓፋሽ ህዝብን ኢድን ጓንትን ኮይኑ ነቲ ብሓይሊ ዝረግጽ ዝነበረ መግዛእታዊ ሓይሉ ፈንጢሱ መሰሉን ኤርትራዊ ክብሩን መሊሱ ብሰላም ክነበር ዝነበሮ ባህጊ ግን ከም ውዑይ ማይ ሃፊፉ ተሪፉ፡ ፤እቲ ናጽነት ዘምጽአ ሓፋሽ ተጋዳላይ መሪሑ ዝኣተወ መሪሕነት ህዝባዊ ግንባር ናይ ሎሚ ህግደፍ መብጽዓ ስዉኣትና ጠሊሙ ብኢደ ወነኑ ዘውዲ ጨቢጡ ኣብ ክንዲ ህድግለነ ዝብል ሰይጣን ሰሪርዎ ብቀይዲ በተኽ ኣካይዳ ክሃልል መሪጹ፡ ፡ ኣይ ሰሙን ኣይ ሳልስቲ ነቲ ብሉጻት ከፊልና ዘምጻእናዮ ናጽነት ከም ናይ ብሕቱ ዓወት ቆጺሩ ንምሉእ ህዝቢ ኤርትራ ብባርነት ክረግጽ ጌጋ ናይ ታሪኽ ምርጫ ወሲዱ፡ ፤ብሰንኪ ጽዩን ምሕደርኡ ከኣ ኣብ ዞባና ጎብለል ክኸውን ሓለመ፡ ፤እቲ ናይ ቀትሪ ሕልሙ ሓቂ መሲልዎ ምስ ሓራምዝ ክገጥም ተሃንደደ፡ ፤መንእሰይ ሓይሊ ኣብ ሓዊ ከም ዝጥበስ ተገብረ፡ ናይ ሃገርን ህዝብን ጽንተት ከኣ ተጀመረ፡ ፤ኣብ ሃገር ሕግን ፍትሕን ጠፊኡ ዜጋታት ክጭወዩን ክቕንጸሉን ጀመሩ፡ ፤ጉጅለ ህግደፍ ሃብትን ጸጋታትን ሃገር እንተዘይኮይኑ ሓልዮት ህዝቢ ከምዘይብሉ ብወግዒ ኣወጀ፡ ፤ኩሉ መንእሰይ ሓይሊ ንስደት ንኸምርሕ ብዕላማ ተሰሪሕሉ ከም ዝጸንት ተገብረ፡ ፡ ሃገር ብዘይካ ሽማግለታት ጥርሓ ተረፈት፡ ፤ልዕልና ሕጊ ዘይብላ ሃገር ሒዝና ከኣ እንሆ መዛረቢ ዓለም ክንከውን ተገዲድና፡ ፡
ኩነታትና ኣብ ባይታ ዘሎ ሓቂ ዝምስክሮ ኢዩ፡ ፤ንሕና ከም ህዝቢ ብዱላት ኢና፡ ፤እቲ በደለኛ ዘውዲ ጨቢጡ ብሕሱም ባርነት ይገዝኣና’ሎ፡ ፡ እቶም ብዱላት ከኣ ደቅና ኣብ ፈቖዶ በረኻታት ሲናይን ማእከላይ ባሕርን ይጸንቱ ኣለዉ፡ ፤ወለዲ ከኣ ዕድሎም ኮይኑ ብዘይንቡር መንገዲ ሬሳ ዘይብሉ ዳስ ተኺሎም ይነብዑ ኣለዉ፡ ፤ኣብዚ ከምዚ ዓይነት ኩነታት ከለና ግን ብሽም ሃገራዊ ዕርቂ ኣመኻኒኻ ዝግበር ዘይፍትሓውን ዘይሚዛናውን ጠለባት ይስምዑ ኢዮም፡ ፤በዳልን ተበዳልን ብሽም ሃገራዊ ዕርቂ ይቕረ ተበሃሃሉ ምባል ፍትሓዊ ድዩ?ንምዃኑ ሃገራዊ ዕርቂ እንታይ ማለት’ዩ?ሃገራዊ ዕርቂ ምስ መን?ሃገራዊ ዕርቂ ብኸመይ ኣገባብ?ሃገራዊ ዕርቂ ንምንታይ ዕላማ?ዝብሉ ሕቶታት ክምለሱ ይግብኦም፡ ፡ ኣብ ኤርትራ ሃገራዊ ገበን ተፈጺሙ’ሎ፡ ፡ ሃገራዊ ገበን ከኣ ሃገራዊ ፍትሒ ኣይግብኦን ድዩ?ብኣሽሓት ዝቑጸሩ ገበናት ኣብ ልዕሊ ንጹሃት ዜጋታት ተፈጺሞም ከንሶም ንዉሑዳት ገበነኛታት ንምምሓር ሃገራዊ ዕርቂ ይገበር ምባል ክንዮ ሰብኣዊ ክብሪ ሓሊፍና ንግዳያት ቤተሰብ ከይንድብስ ዝግበር ዘይፍትሓዊ ኣገባብ’ዩ፡ ፡
ሃገራዊ ዕርቂ ክንብል ከለና ምስ መንዩ ዝብል ሕቶ ክንምልስ ይግብኣና፡ ፤መን ምስ መን’ዩ ዝዕረቕ? ኣብ ሞንጎ ህዝብታት ኤርትራ ኣብ ነንሕድሕዶም ዝተፋሰስዎ ደም ኣሎ ድዩ?ኣብ ሞንጎ ህዝብታት ጽልእን ቅርሕንትን ኣሎ ድዩ?ሓደ ብሄር ኣብ ልዕሊ ሓደ ብሄር ዝፈጸሞ በደል ኣሎ ድዩ?መልስና የለን እንተኮይኑ ሃገራዊ ዕርቂ ኣየድልን፡ ፤እኳ ደኣ ሃገራዊ ፍትሒ ክነምጽእ ክንቃለስ ይግብኣና፡ ፤ኣብ ኤርትራ ብሓደ ቁንጫል ጉጅለ ዝተፈጸመ ከቢድ ገበን ኣሎ፡ ፤እዚ ጉጅለ’ዚ ከኣ ብሓይሉ ኣብ ስልጣን ይርከብ፡ ፤ኣብ ህዝብታት ዘስካሕክሑ ገበናት ተፈጺሞም ስለዘለዉ ዝወሰደ ይውሰድ ፍትሒ ክንደልየሉ ይግባእ፡ ፡ ኣብ ከም ናይ ኤርትራ ዓይነት ኩነታት ሃገራዊ ዕርቂ ምግባር ማለት ነቲ ን23 ዓመታት ብፍላጥ ህዝቢ ከጽንት ዝነበረ ስርዓት ምምሓር ማለት’ዩ፡ ፤እዚ ዓይነት ጠለብ ከኣ ኣብ ውልቃውን ወገናውን ጥቕሚ ዝተሰረተ ዘይጥዑይ ጠለብ’ዩ፡ ፤መሪሕነት ህዝባዊ ግንባር ገበን ፈጺሙ ደቂሱ ይሓድር ኣሎ፡ ፤ኣብ ልዕሊ ቁስሊ ካልእ ቁስሊ ንምውሳኽ ከኣ ሃገራዊ ዕርቂ ዝብል ኣምር ይስማዕ ኣሎ፡ ፤እዚ ዘይሓላፍነታዊ ጠለብ’ዚ መሰረታዊ ፍታሕ ከምጽእ ኣይክእልን፡ ፤ኣብ ኤርትራ ዝተፈጸመ ገበን ብሃገራዊ ዕርቂ ዘይኮነ ብሃገራዊ ፍትሒ’ዩ ክድምደምን ክድበስን ዝግባእ፡ ፤
ርሑቕ ከይከድና ኣብ መንእሰይ ወለዶ ጥራሕ ዝወረደ ጻንታ ብሃገር ደረጃ ጥራሕ ዘይኮነ ብሕጊ ኣህጉራዊ ዓለም ፍትሒ ክርከበሉ ይግባእ፡ ፤ኣብ ኩናት ኢትዮ- ኤርትራ ብሽም ሃገር ምክልኻል ዝጠፍአ መንእሰይ ሃገራዊ ገበን’ዩ፡ ፤ፈጸምቱ ከኣ መራሒ ጉጅለ ህግደፍን ስርዓቱን’ዮም፡ ፤ብኢደ ዋኒኖም ምስ ህዝብን ሃገርን ከይተማኸሩ ናይ ጽሉላት ውግእ ከፊቶም ንመሳኪን ቆልዑ ኣብ ሓዊ ጠቢሶም ከም ዝጸንቱ ዝገበረ ስርዓት ብሃገራዊ ዕርቂ ዘይኮነ ፍትሒ ዘድልዮ ከቢድ ገበን’ዩ፡ ፤እቲ ኣብ ዶባት ኤርትራ ብጥይት ብተመልከተለይ ዝተመንጠለ ፍትሒ የድልዮ፡ ፡ እቲ ኣብ ጎቦታት ሲናይ ኩሊቱ ዝተቖርጸ ፍትሒ የድልዮ፡ እቲ ኣብ ማእከላይ ባሕሪ ዝጸነተ’ሞ ሬስኡ ኣብ ዓዱ ክቕበር መሰል ዝተነፍጎ ፍትሒ ይጽበ’ሎ፡ ፡ እቲ ካብ ኣፍ ህግደፍ ኣምሊጡ ሓርነት ክደሊ ኣብ በረኻታት ምድረበዳ ሰሃራ ዝጠፍአ ፍትሒ ይጽበ’ሎ፡ ፡ እቲ ካብ ገዝኡ ተሳሒቡ ኣብ ቤት ማእሰርቲ ህግደፍ ዝመውት ዘሎ ፍትሒ ይግብኦ፡ እቲ ኣብ ዒራዒሮ ብደዉ ሞት ዝርእያ ዘሎ ፍትሒ ይጽበ’ሎ፡ ፡
ንሕና ከም ህዝቢ ኣብ ልዕሌና ከቢድ ገበን ተፈጺሙ’ሎ፡ ፡ ከም ህዝቢ ፍትሒ ክንጠልብ ከኣ መሰል ኣለና፡ ፤ኣብ መሰልና ውሳኔ ዝህብ ከኣ ፈታዊና ዘይኮነ ጸላኢና ጥራሕ’ዩ ክኸውን ዝግብኦ፡ ፤ቃልስና ሃገርን ህዝብን ካብ ጥፍኣት ኣድሒንና ብልዕልና ሕጊ ዝግዛእ መንግስቲ ተኺልና ኩሉ ኤርትራዊ መሰሉ ተሓልይሉ ብሰላም ክነብር’ዩ፡ ፡ሓደሓደሰባትፍትሒምድላይከምሕነዝወስድዎኣይተሳእኑን፡ ፤እቲሓቂግንዝተፈጸመገበንውልቃዊዘይኮነሃገራዊስለዝኾነመደምደምታክግበረሉኣለዎ፡ ፤መደምደምታክንገብረሉከኣግዳያትናክደበሱናይግድንይኸውን፡ ፤ትማሊህዝቢዝቕንጽልዝነበረሰብወይጉጅለብሽምሃገራዊዕርቂብነጻክልቀቕኣለዎምባልሞራላውንሕልናውንኣይኮነን፡ ፡ እቲመስደመምከኣቀታልንተቐታልንብሽምሃገራዊዕርቂብሰላምንበሩምባልንባዕሉገበን’ዩ፡ ፤ፍትሒዘይወጻላሃገርፍትሓዊትክንብላፍጹምኣይንኽእልን፡ ፤
ሃገርንህዝብንነጻቤትፍርዲተመስሪቱዝተፈጸመገበንብውልቂዘይኮነብሃገርደረጃክሲቀሪቡገበነኛታትኣብፍርዲክቀርቡይጽበ’ሎ፡ ፡ እዚጥራሕ’ዩመዕጸዊሓዘንናዝኸውን፡ ፤ኣብዓድናገበነኛታትብነጻይንቀሳቐሱኣለዉ፡ ፤ብኣንጻሩንጹሃትሰባትከኣኣብቤትማእሰርቲይርከቡ፡ ፤እዚሃገራዊዕርቂየድልዮእንተኢልናንሕናከምሃገርፍትሒነጥፍእኣለና፡ ፤ነፍሲወከፍናኣሕዋትና፡ ደቅና፡ ደቂዓድና፡ ደቂገዛውትና፡ ብሓፈሻደቂሃገርናኣበይኣለዉክንብልኣለና፡ ፤ንምንታይእዚኩሉገበን?ንምንታይእዚኩሉግፍዒ?ናይብሓቂሽግርናብሃገራዊዕርቂ’ዩዝፍታሕ?ዘይፍትሓዊፍትሓዊኢልናክንቅበልሞራላዊኣይኮነን፡ ፤ብዙሓትስድራቤታትደምደቀንኣብአዝነንየእዊ’ሎ፡ ነዘንስድራቤታትእዚኣተንእንታይመልሲኢናክንህበን?ብሃገራዊዕርቂክንዓብሰን?
ሓደሓደዝስማዕድኹምንዘይሞራላውንጠለባትኣብቅድሞህዝቢኤርትራተቐባልነትየብሉን፡ ፡ ን5ተሰባትጥራሕተሸከምቲእዚኩሉግፍዒአምሲልካዝግበርምድንጋራትክኹነንይግባእ፡ ፤እቶምኣብሕምብርቲኣስመራብጽጋብነንሕድሕዶምተባኢሶምንጹሃትኤርትራውያንዝበልዑጀነራላት’ከ?ኣብኤርትራ 5ተሰባትጥራሕ’ዮምገበንፈጺሞም?እቶምንወዲዓሊብጥልመትዝኸሓድዎ’ኸ?እቶምንንጹሃትአብዒራዒሮዝዳጎኑ’ኸ? እዞምኩሎምብሃገራዊዕርቂነጻክልቀቑ? ወይጉ…ድ!!እዛሃገርጌናኣበስኣዝተወድአኣይመስልን፡ ፤እዛሃገርዓበይቲዓድንለባማትንየብላንድያ?ፍትሒዘውጽኡለባማትየለዉንድዮም?ንሕናከምህዝቢምእንቲሞጎጎትሕለፍኣንጭዋኢልናዝተፈጸመገበንብሃገራዊዕርቂክንድምድሞምርጫክንወስድየብልናን፡ ፤ዓዲሕግንድግንዝኾነትሃገርሎሚእዚወለዶ’ዚዘይንቡርክገብርኣይግባእን፡ ፡ ልክዕ’ዩህዝብናኣብዕርቅንይቕረይቕረዝኣምንህዝቢ’ዩ፡ ፤እንተኾነግንተፈጺሙዘሎገበንክንዮዕርቅንይቕረይቕረንተራእዩሃገራዊፍትሒይጽበ’ሎ፡ ፤ክነተግብሮከኣብሓድነትንቃለስ፡ ፡
ፍትሒይንገስ!!
ወልዱተኽለ
Short URL: https://english.farajat.net/?p=8640
Posted by 
