ናይ መጀመርታ ዝተማልአ ሪፖርት ብዛዕባ ምግሃስ ሰብኣዊ መሰላት ኣብ ኤርትራ

ማእከል ሴራ ንሰብኣዊ መሰል ናይ መጀመርታ ዝተማልአ ሪፖርት ብዛዕባ ምግሃስ ሰብኣዊ መሰላት ኣብ ኤርትራ ኣዳልዩ።ትማሊ ምሸት ብምኽንያት እዚ ምድላው ሪፖርት ኣብዝተገብረ ሰሚናር ኣቦወንበር እቲ ማእከል ኣቶ ያሲን መሓመድ ዓብደላ እዚ ሪፖርት እዚ ኣብ ሓሙሽተ 5 ቀንዲ ክፋላት ይሙርከስ ክብል ገሊጹ፡ ንሳተን ድማ

   – ሓፈሻዊ ናጽነታትን ስቪላዊ መሰላትን፡

   – ምጭዋይን ምፍጻም ቅትለትን፡

   – ሓይሊ ብምጥቃም ዘይተወሰነ ማእሰርትን ኩነታት ኣብ ውሽጢ ኣብያተ

    ማእሰርትን

   – ኣገባብ ምግሃስ ሰብእዊ መሰላት ብሽም ሃግራዊ ኣገልግሎት

   – ከምኡውን ኩነታት ኤርትራዊያን ስደተኛታትን ዝብላ እየን ክብል ኣብሪሁ።

ኣብዚ ትማሊ ምሸት ዝተገብረ ሰሚናር መራሕቲ ተቓወምቲ ውድባት ኤርትራን ካልኦት ብዛዕባ ጉዳይ ሰብኣዊ መሰላት ዝግደሱ ወልቀሰባትን ኤርትራዊያን ማእከላት ዜናን ከምኡውን ማእከላት ዜና ሱዳን ኣዕራብን ተረኺበን ኔረን።እዚ ሪፖርት ኣብ ቃለ መሕተት ምስ ኣብቲ ተሞክሮ ዝነበሩን ናይ ኣህጉራዊያን ስብኣዊ መሰላት ማሕበራት ጸብጻባትን ሓፈሻዊ ሓቅታት ኣብ ኤርትራ ዝፍጸም ዘሎ ምግሃስ ሰብኣዊ መሰላት ዝምርኮስ እዩ ብምባል ኣቶ ያሲን ሓቢሩ።

እዚ ሪፖርት ብክልተ ብቃንቃ ዓረብን፡ እንግሊዝን ተዳልዩ ንኹላቶም ኣብቲ ሰሚናር ዝተረኽቡ ሰባት ተዓዲሉ።