ሰልፊ ናህዳ ኤርትራ ጨንፈር ጅዳ ጨንፈራዊ ጉባኤኡ ብዓወት ኣሰላሲሉ
ሰልፊ ናህዳ ኤርትራ ጨንፈር ጅዳ ጨንፈራዊ ጉባኤኡ ኣብ ዕለት 21/5/2012 ኣካይዱ ፡ እቲ ብተሳታፍነት ሓላፊ ክፍሊ ህዝባዊ ስርዒት ዝተኻየደ ጉባኤ ፡ ኣብ መጀመርያ ንኹሉ ንጥፈታት ናይ ጨንፈር ንምግምጋም ዝኣክል ፡ ናይ ዝሓለፈ 2 ዓመት ጸብጻብ ካብ ሓለፍቲ ናይ ጨንፈር ብምስማዕ ፡ ጉባኤኛታት ኣብቲ ዝቐረበ ጸብጻብ ምርኩስ ብምግባር ፡ ነቲ ድኹም ጎኒታት ንምእላይን ነቲ ሓያል ጎኒታቱ ድማ ዝያዳ ንምሕያልን ዝዓለመ ክትዓት ድሕሪ ምክያድ ፡ ንዝመጽእ ክልተ ዓመት ዘገልግል መደብ ዕዮ ሓንጺጾም።
ብምቕጻል እቶም ጉባኤኛታት ፡ ኣብ ምድላዋት ናይ’ቲ ኣብ ዝምጽእ ቐረባ ግዜ ክግበር ተወጢኑ ዘሉ 2ይ ሰልፋዊ ጉባኤ ኣመልኪቶም ምይይጥ ድሕሪ ምግባር ፡ ንምዕዋቱ ኣበርቲዖም ክሰርሑ ምዃኖም ቃል ኣትዮም ።
ኣብ መጨረሻ ናይቲ ጉባኤ ፡ ጉባኤኛታት ንጨንፈር ጅዳ እትመርሕ ሓዳስ መሪሕነት ብምምራጽ ናይ ጨንፈር ውሽጣዊ ሕጊ ኣጽዲቖም ። ቀጺሎም ነታ ዝተመርጸት መሪሕነት ዮሃና ብምባል ፡ ነቲ ኣብዝባኖም ዝስከምዎ ዘለዉ ሓላፍነት ብግቡእ ክሰርሑሉን ፡ ምስ መደባት ኤርትራዊ ሃገራዊ ባይቶ ተሳንዮም ንምዕዋቱ ኣዉንታዊ ተራ ክጻወቱ ተማሕጺኖም ።
ሰልፊ ናህዳ ኤርትራ
ክፍሊ ዜና 25/5/2012
Short URL: https://english.farajat.net/?p=7300
Posted by 
