ጅግና ናይ ጀጋኑ. . . ሓምድ እድሪስ ዓዋተ
ሰውራ ኣዊጅዋ ኣብ መስከረም ሱሳን ሓደ
ክብርን መጎስን ይኹን ንኹሉ ዋጋ ዝኸፈለ
ተባዕ ተጋዳላይ መስተንክር ሰሪሑ ዝተዓወተ
*****
ብረትካ ደርቢኻ. . . . ላኻ ዘይለወጥካ
ዑቅባ ዘይጠለብካ. . ህዝብኻ ራሕሪሕካ
ምእንቲ ህዝብኻ. . . . . በጃ ዝሓለፍካ
መሰረት ኤራትራውነት ዓንዲ ሃገር ኢኻ
*****
ጅግና ተጋላይ. . . . መስተንክር ሰሪሕካ
ነጻ. . . ኣውጺኻያ. . . . ኤርትራ ሃገርካ
ባሕሪ ኣይሰገርካ. . . . . ሃዲምካ ጀጂኻ
ምስጋናይ ይብጻሕካ. . ኣብ ዘለኻ ሊኻ
*****
ሃገሩ ክዝመት ራሕሪሑ ዝሃደመ
ኣብ ሃገር እንዳማቱ ዑቅባ ዝሓተተ
ክዛረብ ጀሚሩ ከይሓነኸ ከይሓፈረ
ንሰውራና ከናሹ ኤረና ክሸጣ ንወያነ
*****
ዘልኣለማዊ ዝኽሪ ንኹሎም ጀጋኑ ሰማእታትና
ክብሪ… ሞጎስ… ምስጋና… ይብጻሕኩም ካባና
ሳላኹም ኤርትራ ነጻ ኾይና… ሃገር ተጸዊዕና
ሓርነትና’ውን ክትግበር’ዩ… ብቃልሲ ጀጋኑና
*****
ምንም እንተ ነውሐ…… ድቕድቕ ጸላም ለይቲ
ወላ እንተጸበበ… ካብ ዓይኒ መርፍእ ድቕቕቲ
ካብ ዕረ’ውን እንተ መረረ እንተ ነውሐ ለይቲ
ክንሰግሮ’ና ኩሉ ጸገማትና ብጽንዓት ትዕግስቲ
*****
እዚ’ይኮነን ነይሩ ናይ ህዝብና… ትጽቢትን ሕልሚ
ብሸፋቱ ክትጉበጥ ሃገርና ክትከውን ኣልቦ ፍሽልቲ
ብንቅሓት ሕቢርና ንቃለስ ክነድሕና ካብ ዓዘቕቲ
ዓወትና ናይ ግድን’ዩ…… ወላ እንተ ነውሐ ለይቲ
*****
ብደምካን ዓጽምኻን……መሬት ነጻ ዘውጻኻ
ሓርነት ህዝብና ክትግበር’ዩ… ብጀጋኑ ደቅኻ
ኤሪትሪያ ኣይትሽየጥ… ኣይትልወጥ ውርሻኻ
ዘልኣለማዊ ዝኽሪ… ክብረት ይኹን ንዓኻ
*****
መስከረም ዕምባባ… ናይ ናጽነት ጩራ
ንስኻ ክትመጽእ… ይሕደስ…… ተስፋና
ወርሒ ብድሆ ቃልሲ ክብሪ ዘልበስካና
ከቢራ ክትዕንብብ’ያ… ልዕልቲ ሃገርና
*****
ንቃለስ ሓቢርና…… ንፍትሒ… ንለውጢ
መሰላትና ይተሓሎ…… ብስርዓት… ብሕጊ
መክት መሰላትካ ብዕዙዝ ፍናናዊ ሓይሊ
ዓምር (መልበን – ኦስትረልያ)
01 መስከረም 2019
Comments