ኣብ ዝሃለፈ ሰሙን ልዕሊ 60 ተምሃሮ ሳዋ ኣብ ሓደ ግዜ ናብ ሱዳን ሃዲሞም
| ጋልፍ ኢንፎርሜሽን ሰንተር |
| ነሓስ,16,2005 |
| ካርቱም |
እዞም ሓደሽቲ ተምሃሮ 19 ዙርያ ብሽም ዋርሳይ ይከኣሎ ዝፈለጥ ናይቲ ስርዓት መደብ ንሳዋ ኣብ ዝሓለፈ ወርሒ ከምዚወረዱ ይፍለጥ።እንተኮነ ግን ኣብቲ ብሽፋን ቤት ትምህርቲ ዝጽዋዕ መዓስከር ሳዋ ዘጋጥሞም ዘሎ ጸቕጥን ጨቃኒ ዝኮነ ወተሃደራዊ ኣተሓሕዛን ተገዲዶም 60 ተምሃሮ ኣብ ሓደ ገዜ ናብ ሱዳን ኣትዮም።ቅድሚ ሕጂውን ኣብ ዝሓለፈ 18 ዙርያ ልዕሊ 300 ዝኾኑ ተምሃሮ ኣብሓደ ግዜ ናብ ሱዳን ከምዛተዉ ይፍለጥ፡ እዚ ከምዚ ኢሉ እንከሎ ዝሓለፈ 23/07/2005 ዝነበረ መመረቕታ ብዓል 18 ዙርያ ፕርዚደንት እቲ ስርዓትን ካልኦት ናይ ህግደፍ ሓለፍትን ኣብ ዝነበሩሉ፡ ፕረዚደንት እቲ ስርዓት ኣብቲ ዝሃቦ መደረ ኣብ ዕለታዊ መነባብሮ ጸገማት ከጋጥም ንቡር እዩ።ናብዚ መጺኹም ጉቡእኩም ምፍጻምኩም ነዛ ሃገር ዓቢ ኣበርክቶ ኢኹም ጌርኩም ”ነዛ ዓመት ከይፍጽሙ ሰማንያ ዓመት የሃድሙ” ብዝብል ዘረባ እቲ ዝወርዶም ዘሎ ሽግርን ጸቕጥን ብጉልባብ ሓሊፉ መንእሰያት ተምሃሮ ነቲ ሃገራዊ ገቡእ ጸሊኦም ከም ዝሃድሙ ገሊጹ ከምዝነበረ ይፈለጥ።እዞም ተምሃሮ ግን በቲ ዘጋጥሞም ዘሎ ሽግርን ጸቕጥን ናይ ስድራቤት ቁጠባዊ ጸገማትን መዓልታዊ ነቲ ስርዓት ራሕሪሖ ናብ ጎረብኔት ሃገር ሱዳን ይውሕዙ ኣለዉ።
Short URL: https://english.farajat.net/?p=2806
Posted by 
