ነብስኻ ሓኸኽ ህዝበይ

ስእሊ ሬሳኻ ኩሉ ሰብ ብእንተርኔጥ ዝራኣያ

ምረት መግለጺ ሓዘና ብዙሕ ከተቃልዕ ቀንያ

ኩለን ወነንቲ ሓቤሬታ እንተርነጥ ሰብ ሞያ

ብህግደፍ ዝተረሸነ መንእሰይ ስእሉ ዘ ላለያ

ጻማኽን ንህዝብኽን ከሲብክን ዘይቡሉ ማእለያ

ትሕቲ ዕድመ ዓቅሚ ኣዳም ዘይ በጽሔ

  ሪኢኹሞዶ ተረሽኑ ኣብ ጽርግያ ተሰጥሔ

 ዕንክሊል ብጭርሖ ሰላማዊ ሰልፌ ተበዝሔ

 መፍትሒ ኣይኮነን ክጥፍኣና ዓጢቁ ዝጎርሔ

ዝገደደ ናይ ህግደፍ ይኸፍእ ተዓጻጺፈሞ   

ረሽኖም ኣብ ጽርግያ ከይ ቀበሩ ሰጢሖሞ

ንህግደፍ ዝፈልጦም ክንደየናይ ከይ ገርሞ

ኣብ ስሕል ዝገበሮ ኣብ ማይ ሓባር ደገሞ

ማይ ሓባር ዝገበሮ ኣብ ዓዲ ኣበይቶ ደገሞ

ዓዲ ኣበይቶ ዝገበሮ ኣብ ኣስመራ ደገሞ

ካን እናራኹም ሬሳ ዓይንኹም ክዓውር

ክጥዕመሉ ምርሻን ንተቓወምቲ ዘነውር

ስርዓቱ ከይ ይሞሖ ዝኾንኩሞ ሰራውር

ኩርማጅ ውጹዓት ታራ ኣለዎ ክትዝስውር

ተጸበዩ ሑዙን ምስ ተላዕለ ዘንጉ ክውርውር

 ሪሳ እና ረኤኻ ተሰጢሑ ኣብ ኣስመራ ብቐትሪ

ንዕቀት ናይ ህዝቢ ኣብ ኣስመራ ነጊሱ ከታሪ

  ዓገብ ንምክልኻል ነብሰ ገዳይ ዘይ ኮነ ከተውሪ

ነብሰ ገዳይ ኢሳያስ ቀሪቡ ክሃድም ብቐይሕ ባሕሪ

ባርያ ናይ ውልቀ መላኺ እንታይ ኢሉ ኸውሪ

ከይ ሓፈሩ ከም ነፋሒቶ ድዮም ክቕዩሩ ሕብሪ