ናይ ሓዘን መግለጺ

ሃገራዊ ኮምሽን ንደሞክራስያዊ ለውጢ ብምኽንያት ሞት ሓው ዓብደላ እድሪስ፡ ኣቦ መንበር ተጋድሎ ሓርነት ኤርትራ ዝተሰመዓና መሪር ሓዘን እናገለጽና: መስዋእቱ ብከንቱ  ክምዘይሓልፍን፡ ዘበገሰና ዕላማ ሓርነት ከኣ ኣብ መዓርፍኡ ንምብጻሕ ሕድሪ ከም ዘለናን ብተወሳኺ ነረጋግጽ። ሓው ዓብደላ እድሪስ ካብ ዕሸል ዕድሚኡ ጀሚሩ ክሳብ ብሕማም ዝወደቐሉ እዋን፡ ካብ ዝተሓተ ጽፍሒ ክሳብ ኣቦ መንበር ወተሃደራዊ ቤት ጽሕፈት ውድብ፡ ክሳብ ኣብ ዝዓረፈሉ እዋን ንውድብ ተጋድሎ ሓርነት ብጅግንነት ዝመርሐ ተባዕ ተጋዳላይ ኢዩ። ኣብ ጊዜ ዕረፍቱ ነታ ብህጻነንቱ ኣትሒዙ ዝተጋደለላ ሃገሩን፡ መዳሕንቱ ዝተቐብረትላ ዓዱን ተመሊሱ ከይረኣየ ብሞት ምፍላዩ ናይ ብዙሓት ከምኡ መሬት ዓዶም ተነፊግዎም ናይ ዝሓልፉ ዘለዉ መስዋእቲ እናዘከርና ተደራብ ናይ ሓዘን ስምዒታት ዘኸትል ሞት ምዃኑ ክንገልጽ ንግደድ። በዚ ኣጋጣሚ’ዚ ንኹሉ ህዝቢ ኤርትራ በታቲኑ ኣብ ግዳም ደርብይዎ ዘሎ ስርዓት ንምእላይ፡ ንቕሓትናን ዕጥቅናን ከነትርር እናተላቦና፡ ንዕኡ መንግስተ ሰማይ ንስድራ ቤቱ ከኣ ህያው ኣምላኽ ጽንዓት ክህቦም ብጸሎት ንልምን።

ኤ.ሃ. ኮ.ደ.ለ ሰሜን ኣሜሪካ

ግንቦት 4, 2011

Short URL: https://english.farajat.net/?p=4386

Posted by on May 5 2011 Filed under News. You can follow any responses to this entry through the RSS 2.0. You can leave a response or trackback to this entry

Leave a Reply

Photo Gallery

Log in |2011 farajat.net