ኮለይ ወድ በራድ

ዓረር ትግባእ እድና                ሃተማቲም ወርዳዋ

እባ ይዓሩ ለትናጦ                   ወእባ ይኣምሮ ውርዳሃ

ተሓይስ ተሓምቕ አለቦም       ምንኮር ላቱ ዓርጋዋ

ተሓውተነው ሸፈቲት            ላታደንን ዋዕለዋ

ኮለይ ወድ በራድ                ግል ግብርኖት ዳሕረዋ

ዓረር ትግባእ እድና                ሃተማቲም ወርዳዋ

ዓዶም ዘምት ከራዪ              እብ ኣይደቶም ታላዋ

ዓመጽ ሕራም ግልቡባት        ስለል ዓቦት ሰመዋ

ኣግሩዝ ተጅሂል መድራሰት     ምን ዪራኪብ ራክባዋ

በረጀው ገል ጀሃል              ወግል ቕወት ሓለዋ

ጎሎው ወሳረረው                ኣርድ ዕሳስ መልኣዋ

ዓረር ትግባእ እድና                ሃተማቲም ወርዳዋ

መታልት ወድ መድህን          ስበእነት ሓስበዋ

ዋላ ራኣስ ዳንን                  ሺማት ዓባይ ወደዋ

ሃሰት ወመትሓዋል              ክምናያሺን ሰቅለዋ

ስርቕ ዋማትናፋስ               ክምሓበን ለብሰዋ

ዓረር ትግባእ አርትራ          ሃተማቲም መርሓዋ

ዓረር ትግባእ እድና               ሃተማቲም ወርዳዋ

መሳራር ዲብ ኣቕሹን            ናያ ሃበይ ውህርካ

ኣትቃዋይ ኣጃኒት               ላእባ ባጋስካ

መትገላባብ ከዋጣይ            ዔልያይ ድሙካ

ዓንገለልሽ ኣቕባሎት           ሓቆ ሸንገልካ

ኣተናሰ ዋእኖከ                ምን በጽሕ ልኡካ

እግላ እንደ ሰምዓ             ለውሕር መንባካ

ገለ ምንዲ ለክፍ              ለተርሀ ሰፍራካ

ሰኒ ግል ትከስክስ            ሓቆ መልኣ ድርጽካ

ዓረር ትግባእ እድና            ሃተማቲም ወርዳዋ

የዓጅበኒ ቀባየ                ዋጣይ ዕዋላ

የኣስቀምቕም ወዪ እነብዕ      ወዪ ኣስተንትን እግላ

ዲብ ሓዋኒት ይእትዓገል       ዋዪ እትካረፍ ባዕላ

እላ ባዲ ወዲያ                 ላቁርዱ ናቃላ

ዋእላ ናቕጽ ወዲያ               ላላርሐ ክዋላ

ዓረር ትግባእ ፈጦማ           ላህተማቲም ሰርገላ

ዓረር ትግባእ ዛህራ              ሕብራ ጠቀር ቀያራ

ዓረር ትግባእ እድና              ሃተማቲም ወርዳዋ

ፋርስ ዓብደልቃድር        ምጅልስ ቕራን ዓጋላ

ዋፋርስ ዋድ ስልጣን        ተርሃ እባ ዋዋዕላ

ዋፋርስ ዓዋተ               ላሓረምዝ ዳእላ

እላ ዋዱ ፋርሶታት          ላይጣልሞ ማሕላ

መዘ ውዳይ ሓለክስ         እብ ሰነት ዛካራ

መዘ ውዳይ ሓዋዊን         እብ ስብእነት ዛካራ

ዓረር ትግባእ እድና            ሃተማቲም ወርዳዋ

ሓይሳም ሻዒሩና / ዓብዳላህ

Short URL: https://english.farajat.net/?p=7690

Posted by farajat on Sep 10 2012 Filed under Poetry. You can follow any responses to this entry through the RSS 2.0. You can leave a response or trackback to this entry