8 መጋቢት !!
ውጽዕቲ ኣደ ንዓይ ዝፈጥረት
እታ ብጸይተይ ምሳይ ዝነብረት
ምእንቲ ህዝባ በረኻ ዝወፈረት
ዝናራ ዓጢቓ ሰውራ ዘዐመረት
ምእንቲ ነጻነት ተሓንጊጣ ብረት
ምልኪ ነጊሱ ተሓሪማ ክብረት።
ሜዳ ወፊራ ኣብቲ ህዝባዊ ቃልሲ
ዝናራ ዓጢቓ ኣብቲ ጽዕጹዕ ቶኹሲ
ምእንቲ ፍትሒ ምእንቲ ዲሞክራሲ
ኣብ ሜዳ ዘሪኣ ማዕርነታዊ ፈልሲ።
ኤርትራዊት ዋዕሮ ኣንቲ ሓራስ ነብሪ
ሎሚ’ውን ተላዒላ ስለ ህዝባ ክብሪ
ናይተን ዝሓለፋ ክትግብሮ ሕድሪ
ኣብ ከተማ ካስል’ዩ እቲ ዝኽሪ።
ሕድሪ እወ ሕድሪ ናይተን ዝሓለፋ
ኣብ ቃልሲ ወፊረን ቃለን ዘይዓጸፋ
ብጥይት ጸላእቲ ህይወተን ዝተኾልፋ
ዘይርሳዕ መልእኽቲ ሕድሪ ዝገደፋ።
ኣብ ከተማ ካስል ኢዩ እቲ በዓል
8 መጋቢትዶ ኣብ ገዛኻ ይወዓል
ጎርዞ ተበገሲ መንእሰይ ተላዓል!!
Short URL: https://english.farajat.net/?p=8543
Posted by 
