ካፌርሶላና ወጻኢ ጉዳያት ኤውሮጳዊ ሕብረት ንኤርትራ ነቒፉ

ወጻኢ ጉዳያት ፖለቲካዊ ኣዋሃሃዲ ኤውሮጳዊ ሕብረት ካፌርሶላና ኤርትራ ነቲ ፍሉይ ልኡኽ ዋና ጻሓፊ ውድብ ሕቡራት ሃገራት(ው.ሕ.ሃ) ሚስተር ኮፊ ኣናን ንሚስተር ልዮድ ኤክሶርሲ ዘይምቕባላ ወቒሱ።ንፍሽለት ነቲ ጻዕርታት ው.ሕ.ሃ ንምፍታሕ ዶባዊ ግጭት ኤርትራን ኢትዮጵያን ንኤርትራ ኣሰኪሙ።ንሱ ምስ ጋዜጣ ሪፖርተር ኣብ ኣዲስ ኣበባ እትሕተም ኣብ ዝሃቦ መግላጺ፡ እቲ ልኡኽ ምስ ኤርትራዊያን ሰበ ስልጣን ክራኸብ ብዘይምኻኣሉ ቐንዲ ዓንቒፉ ንመስርሕ ሰላም ዘሎ ጉዳይ ምዃኑ ገሊጹ።ካብቲ ዘይሰላምን ውግእን መርጋጺ ንምውጻእ ኤርትራ ነቲ ልኡኽ ክበጽሕ ከተፍቕድ ነይርዋ ድሕሪ ምባል ኤርትራ ነቲ ሒዝዎ ዘሎ ሓሳብን ኣረእያን ንፍልልያት ንምስጋር ክትሰምዕ ነይሩዋ ኢሉ።ምንጻግ እቲ ልኡኽ ነዚ ሕጂ ተፈጢሩ ዘሎ ውጥሪ ቕንዲ ምኽንያት ምዃኑ ኣብሪሁ።