ጋዜጣዊ መግለጺ ፈጻሚ ቤት ጽሕፈት ኤርትራዊ ሃገራዊ ባይቶ ንደሞክራስያዊ ለውጢ

ፈጻሚ ቤት ጽሕፈት ኤርትራዊ ሃገራዊ ባይቶ ንደሞክራስያዊ ለውጢ መስራቲ ኣኼባኡ ካብ 06 ክሳብ 13 ታሕሳስ 2011 ኣብ ዘሎ ጊዜ ብምክያድ ሃገራዊ ጉባኤን ባይቶን ኣብ ስምምዕ ዝበጽሕሉ ጉዳያት ንምፍጻም ሓላፍነት ብምውሳድ ንዓኡ ዝምልከት ኣጀንዳታት ብምስራዕ ንቁሕን ሓላፍነታውን ክትዓት ኣካይዱ። መሪሕነት ሃገራዊ ባይቶ ምስ ፈጻሚ ቤት ጽሕፈት ብሓባር ኮይኖም ንገለ ጉዳያት ክርእይዎ ባይቶ ብዝሃቦም ውክልና መሰረት ኣብ ገለ ክፋል ኣኼባታት’ውን ተሳቲፉ’ዩ።

ፈጻሚ ቤት ጽሕፈት ኣብዞም ኣገደስቲ ጉዳያት ትኩረት ብምሃብ ዘትዩ ነዞም ዝስዕቡ  ውሳኔታትን ስጉምትታትን ወሲዱ፡

1. መምርሒታት መጻኢ ትልሚ ዕዮ ሃገራዊ ባይቶ።
2. ምስራዕ ውሽጣዊ መምርሕን ቅርጻ ፈጻሚ ቤት ጽሕፈትን።
3. ውሳኔታትን ለበዋታትን ሃገራዊ ባይቶ።
4. ምውዳብ ኣባላት ፈጻሚ ቤት ጽሕፈት ኣብ ምምሕዳራዊ ቅርጻ።

ፈጻሚ ቤት ጽሕፈት

ኤርትራዊ ሃገራዊ ባይቶ ንደሞክራስያዊ ለውጢ

13/12/2011