ቃል መሪር ሓዘን !!

Date: 02/12/2015

ቃል መሪር ሓዘን !!

ጅግና ተቓላሳይ ሱልጣን ዓብዱ ዕልዋን ብሰሉስ ዕለት 01.12.2015 ብሃንደበታዊ ሕማም፡ ኣብ ከተማ ኣዲስ ኣበባ ካብዛ ዓለም ብሞት ተፈሊዩና። ብኡ ንብኡ ድማ ሓመድ ኣዳም ለቢሱ።

ብጻይና ሱልጣን ብ 1963 ኣብ ከተማ ጸሮና – ኣውራጃ ኣከለጉዛይ ተወሊዱ። ኣብ ዕሸል ዕድሜኡ ኣብ መወዳእታ 1977 ኣብ ተጋድሎ ሓርነት ኤርትራ ንክቃለስ ተሰሊፉ። ካብ’ቲ ግዜ’ቲ ኣትሒዙ ኣብ ዝተፈላለየ ቦታታት ኣብ መትከሉ ጸኒዑ ሃገራዊ ግቡኡ ኣብ ምፍጻም ዝጸንሐ ተባዕ ተቓላሳይ ምዃኑ ይፍለጥ። ብጻይ ሱልጣን ኣብ 2000  ሓደ ካብ’ቶም ቀዳሞት ውድብና ተሓኤ- ሰውራዊ ባይቶ ብረት ኣዕጢቑ ናብ ሜዳ ዘሰለፎም ምዑታት ኣባላት ሰራዊት ሓርነት ኤርትራ ነበረ። ቀጺሉ ዕጥቃዊ ቃልሱ ኣብ ሰራዊት ግንባር ሃገራዊ ድሕነት ኤርትራ ቀጸሉ። ናብ ኣዲስ ኣበባ ምስ ተቐየረ’ውን ክሳብ ዕለተ መስዋእቱ ኣብ መትከሉ ጸኒዑ ናይ ቃልሲ እጃሙ ካብ ምብራካት ዓዲ ኣይወዓለን።   

ብጻይ ሱልጣን ዓብዱ ዕልዋን ምቕሉልን፥ ንብጾቱ ዘኽብርን ብሰውራዊ ጣባያት ዝልለን  ሓርበኛ ተቓላሳይ ምንባሩ ኩሎም መቓልስቱ ዝምስክርዎ ሓቂ ኢዩ። ብጻይና ሱልጣን በዓል ሓዳርን ኣቦ ሓንቲ ቆልዓን ኢዩ።

ንክብርቲ በዓልቲ ቤቱ  ወ/ሮ ሩማናን ንጓሉ ወ/ሪት ኢማንን ንኩሉም ኣሕዋቱን ስድራ ቤቱን ከምኡ’ውን ንኹሎም ተቓለስቲ ብጾቱ ጽንዓት ይሃበና፡ ንመዋቲ ድማ ናብ ጀና የብሎ። ነቲ ምሉእ ህይወቱ ዝተቓለሰሉ ዕላማታት ኣብ ሽትኡ ክሳብ ነብጽሑ ቃልስና ከይተሓለልና ክንቅጽሎ ምዃንና ድማ ቃልና ነሕድስ።

ፈጻሚ ኣካል ግንባር ሃገራዊ ድሕነት ኤርትራ

Short URL: https://english.farajat.net/?p=10022

Posted by farajat on Dec 10 2015 Filed under News. You can follow any responses to this entry through the RSS 2.0. You can leave a response or trackback to this entry