ዑደት”ጎሽ” ናብ ኣሜሪካ ጸጥታዊ ትካላት ስርዓት ህግደፍ ኣሽቒሉ

 ሰርዓት ኤርትራ ንዑደት ሓላፊ ክፍሊ ጸጥታ ሱዳን ኢንጂነር ሳላሕ ጎሽ ናብ ሕቡራት መንግስታት ኣሜሪካን ኣብቲ  ምስ ኣሜሪካዊ መዘንኡ ዝገበሮ ዝተፈላልዩ ርክባት ኣብ ክልትኣዊ ዝምድናታት ዘቶከረን ብትሪ ነቒፉ።ናይቲ ስርዓት ማዕከናት ዜናን ከፍሊ ፕሮፖጋንዳን ዑደት ጎሽ ከምዘይሕጎሰን ሃንደበታዊ ብምግለጽ፡ ሱዳን ዓሰርተ ሽሕ ውልቐሰባት ንመድበር ስለያ ሲ.ኣይ.ኤይ.(CIA) ኣብ ኣፍሪካን ሃገራት ዓረብን ዝሰርሑ ከምዝቖጸረት ከሲሰን።ኣስዒቡ እቲ ጸብጻብ  እቶም ዝተቖጸሩ ሰባት ንዕላማታት ሲ.ኣይ.ኤይ.(CIA)  ንምስላጥ ኣብ ኣፍሪካን ሃገራት ዓረብን ተዘርጊሖም ከምዘለዉ ገሊጹ።ኣብ ልዕሊ እዚ ከፍሊ ጸጥታ ሱዳን ጨንፈር ስለያ ኣሜሪካ (CIA) ኣብ ቐርኒ ኣፍርቃ ምዃኑ እቲ ጽብጻብ ሓቢሩ።ስርዓት ኣስመራ ኣብ ዝሓለፈ ዓሰርተ ዓመት ከም ፖሊስ ድሌት ምዕራባዊያን ሃገራት ኣብ ቐርኒ ኣፍሪቃ ብምዃን ኣብ ልዕሊ ጉራብቱ “ኣህጉራዊ ጥሩፍነትን ኣፍጋኒስታዊያን  ቐርኒ ኣፍሪቃ” ኢሊ ብምምስማስ ኩናት ምእዋጁ ይፍለጥ።ስርዓት ኣስመራ ኣብ ልዕሊ ሱዳንን የመንን ብምምስማስ “ጥሩፍነት” ናይ ኩናት ፖሊሲ ከምዝተከተለ ይፍለጥ።