ኣብ ኣውስትራልያ ብህግደፍ ዝዳሎ ፈስቲቫል ንምቅዋም ምድላዋት ይግበር ኣሎ ።

ኣብ ተመሳሳሊ ዜና ሓደ ካብ ኣባላት ናይቲ ኮሚቴ መሓመድ ጠሃ ተወከል ሓልፊ መደበር ሓብሬታ ጋልፍ ምስ ሬድዮ ድምጺ ኤርትራ ኣብ ምልበርን ንዕላማ ናይቲ ተቓውሞ ኣመልኪቱ ኣብ ዝሃቦ መብርሂ “ ኣብ ኤርትራ ሰብ እንዳ ጠመየን ፣ መሰረታዊ ሰብኣዊ መሰል ዜጋታት ተደፊሩ ኣብ ሕማቅ ኩነታት እናሃለወ ፈስቲቫል ክግበር ቅቡል ከምዘይኮነ ብምግላጽ ብዘሎና ዓቕሚ ክንቃወሞ ኢና  ክብል ገሊጹ “ ከምኡውን ንኹሎም ኤርትራውያን ተቐማጦ ኣውስራላያ ነቲ ተቓውሞ ክድግፍዎ ጸዊዑ ።

  ከምዚ ዓይነት ተቓውሞ ኣብ ዓመት ዓመት ዝግበር ኮይኑ ኣብ ዝሓልፈ ዓመት ስርዓት ህግደፍ ሙዚቀኛታት ኣሰንዩ ክገብሮ ንዝሓሰብ ፈስቲቫል ዓቢ ተቓውሞ ገጢምዎ ፣ ብሰንኪ እቲ ተቓውሞ ድማ ኣለክስ ካሕሳይ ምስ ካላዩ ተጻዋቲ ኦርጋን ኣብ ሃገረ ኣውስትራልያ ንስርዓት ህገደፍ ራህሪሖም ዕቑባ ከምዝሓተቱ ይፍለጥ ።