ዋሕዚ መንእሰያት ናብ ስደት ይቕጽል ኣሎ
| GIC |
| 20/08/2006 |
| ካብ መዓስከር ወዲ ሸሪፈይ ዝረኸብናዮ ሓበሬታ ከምዝሕብሮ ካብ ዕለት 11 /08/2006 ጀሚሮም ኣስታት 235 መንእሰያት ናብ ሱዳን ኣትዮም ከምዘለዉ ተፈሊጡ። ብመሰረት እቲ ዝረኸብናዮ ሓበሬታ ስጋብ ሕጂ ካብቶም ናይ መጀመርታ 185 ኤርትራውያን ሓደሽቲ ስደተኛታት 35 ደቂ ኣንስትዮ ክኾና እንከለዋ እቶም ዝተረፉ ድማ ደቂ ተባዕትዮ እዮም ።ብተወሳኺ እቶም መንእሰያት ካብ መዓስከር ሳዋ መበል 20 ዙር ሃገራዊ ኣገልግሎት ዝመጹ ኮይኖም መብዛሕቶም ኣብ ትሑት ዕድመ ዝረከቡ እዮም ክብለ እቲ ሓበሬታ የብርህ ። ከምዝፍለጥ መንግስቲ ኤርትራ ካብ ዝሓለፈ ዓመታት ብምኽንያት ትምርቲ ብምስባብ 11 ክፍሊ ዝወድኡ ተማህሮ ናብ መደበር ታዕሊም ሳዋ ብምውራድ ጅሆ ሒዝዎም ኣሎ ። ብዙሓት ተማህሮ ነዚ ግዱድ ዕስክርና ብምቕዋም ብዓሰትረታት ኣማኢት ዝቑጸሩ ናብ ጎረባብቲ ሃገራት ይውሕዙ ኣለዉ ።
ኣብ ተመሳሲሊ ዜና ካብ ሊብያ ናብ ዓዲ ጥልያን ብጀልባ ክሰግሩ ዝፈተኑ 27 መንእሰያት ኣስታት 20 ካብኣቶም ኣብ ማእከላይ ባሕሪ ጥሒሎም ክሞቱ እንከለዉ እቶም ዝተረፉ ድማ ብሓገዝ ገፈፍቲ ዓሳ ክድሕኑ ክኢሎም ኣለዉ ። |
Short URL: https://english.farajat.net/?p=3222
Posted by 
