ዜናታት ካብ ውሽቲ ሃገር

 ብመሰረት እቲ ዝበጸሓና ሓበሬታ ኣብዚ ህጂ እዋን ካብ መላእ ኤርትራ ዝተገፉ መንእሰያት ናብ ማርሳ ጉልቡብ ንታዕሊም ይወሰዱ ኣለዉ ። ብተወሳኺ ኣብ ርእሲ እዚ ዝተጠቕሰ ቦታ ኣብ ደንካልያ ከባቢ ክልዮማውን ተወሳኺ መደበር ታዕሊም ተመስሪቱ ብስቱር ታዕሊም ይካየድ ምህላዉ ይግለጽ ኣሎ ።

እዘን ኣብ ላዕሊ ዝተጠቕሳ ክልተ ቦታታት ኣብ ኣዝዩ ኣጻምእን ቀረብ ዘይብሉን ምዃኑ ንህድማ መንእሰያት ዘይጥዕማ ምዃነን ኮነ ኢሉ መንግስቲ ኤርትራ ዝገበረን እዩ ክብሉ ብቐረባ ነቲ ኩነታት ዝተዓዘቡ ዜጋታት ገሊጾም ።

ብመሰረት ሓደ ካብዞም ፍሉያት ኣሃዱ  ኣባል ሰራዊት ኤርትራ ዝነበረ  ናብ ሱዳን ዝመጸ ዝሃበና ሓበሬታ እቲ ሰራዊት ብጀማል ሹምን መሓመድ ጅምዕን ዝበሃሉ ወተሃደራውያን ኣዘዝቲ ዝምራሕ ኮይኑ ፡ ሓደ ብርጌድ ኣብ ከባቢ ሃይኮታ ከምዝዕስክር ክግበር ከሎ ክልተ ብርጌድ ካብኡውን ኣብ ዞባ ደቡብ ማይዕዳጋን ዓደንገፎምን ዓስኪሩሎ ፡ እቲ ዝተረፈ ድማ ሓደ ብርጌድ ኣብ 37 ኪሎሜተ ካብ ዓሰብ ክዕስክር እንከሎ ሓደ ብርጌድ ድማ ናብ ሶማልያ ተላኢኩ ክብሉ ኣብ ነፋሊት ናይ ሊብያ ክስቀሉ ዝረኣይዎም ገሊጾም ። 

ከምዚ ዓይነት ግፍዓዊ ምርሻን ኣብ ከተማ ተሰነይ  ኣብዚ ዓመት እዚ ጥራይ ንራብዓይ ግዜ የፍጸም ኣሎ ።