ቀዳማይ ጉዕዞ “ኣሳናዳኢት ሽማግለ” “ቀዳማይ ጠቕላል ጉባኤ ናይ ኤርትራዊ ዲሞክራስያዊ ኪዳን”
| ቤት ጽሕፈት ዜና |
| ኤርትራዊ ዲሞክራስያዊ ኪዳን |
| 16.06.200 |
ኣሳናዳኢት ሽማግለ ጠቕላል ጉባኤ ኤርትራዊ ዲሞክራስያዊ ኪዳን፡ ብዕለት 6 ወርሒ ሰነ፡ ሓው ሑሰን ኸሊፋ ኣቦ መንበር ፈጻሚት ኣካል ኪዳንን ካልኦት ኣባላት ፈጻሚት ኣካልን ኣብ ዝተረኽቡሉ ናይ ምስንዳእ ሓላፍነታ ተቐበለት።
ሓው ሑሰን ከሊፋ ኣብ ዝገበሮ ሓጺር ናይ መኽፈቲ ዘረብኡ፤ “ኣብ ስርዒታዊ ቅርጻ ናይ አርትራዊ ዲሞክራስያዊ ኪዳን፡ ‘ጉባኤ’ ዝብል ኣምር ኣተኣታቲና ኣሎና፡ ናይ ምስንድኡ ሸኸም ድማ ነዛ ሽማግለ ነሰክማ ኣሎና” ድሕሪ ምባልን ተወሳኺ መግለጽታት ድሕሪ ምሃብን፡ ንሽማግለ ዝተዳለወ ዕማም ተነበበ፡ ቅድሓቱ’ውን ንነፍሲ ወከፍ ኣባል ኣስናዳኢት ሽማግለ ተዓደለ።
ድሕርዚ፡ ኣሳናዳኢት ሽማግለ፡ ዕለት 7/6/2006 ውሽጣዊ መምርሒ ንምድላው ናይ ንድፊ ሽማግለ መረጸት። ድሕሪኡውን ነቲ ንድፊ ተመልኪታ ናብ ፈ/ኣካል ኤ.ዲ.ኪ ኣሕለፈት። ፈጻሚ ቤት ጽሕፈት ነቲ ዝቐረበሉ ናይ ኣሳናዳኢት ሽማግለ ውሽጣዊ መምርሒ ኣጽደቐ። ድሕር’ዚ፡ ዕለት 14 ሰነ ቀዳማይ ስሩዕ ኣኸባ ኣሰናዳኢት ሽማግለ ናይ ጠቕላል ሃገራዊ ጉባኤ ኤ.ዲ.ኪ ተኻየደ። ኣብዚ ናይ መፈለምታ ኣኸባ ድማ፡ ኣሰናዳኢት ሽማግለ በዞም ኣስማቶም ኣብ ታሕቲ ሰፊሩ ዝርከብ 5 ኣባላት ዝቖመት ሰክረታርያ መረጸት፤
1. ተኽለ መለኪን – ኣቦ መንበር ሰክረታርያ
2. ሓሰን ዓሊ ኣሰድ – ም/ኣቦ መንበር ሰክረታርያ
3. ተስፋሁነይ መስፍን – ጸሓፊ ሰክረታርያ
4. ሓጅ ዓብደልኑር – ሓላፊ ዜናን ምውህሃድን ሰክረታርያ
5. ሓምድ ሳልሕ ቱርኪ – ተሓዝ ገንዘብ ሰክረታርያ
Short URL: https://english.farajat.net/?p=3370
Posted by 
