ብስራት ንኩሎም ሃገራውያን
መንእሰይ ዩኑስ ወዱ ንጅግና ስርሒት ፎርቶ ስውእ ስዒድ ዓሊ ሓጃይ (ወድ ዓሊ) ከም ብዙሓት መንእሰያት መሳትኡ ካብ ሃገሩ ክስደድ ተገዲዱ፡ ድሕሪ ነዊሕን መሪርን ጉዕዞ ስደት ብጻዕሩን ብምትሕብባር ኣዝማድን፣ ኣባላት ውድብ ግንባር ሃገራዊ ድሕነት ኤርትራን፣ ገበርቲ ስናይ ውልቀስባትን ግዱሳት ደለይቲ ፍትሒ ኤርትራውያንን ብስላም ኣብ እሙን ቦታ በጺሑ ምህላዎ ንኩሎም ሃገራውያን ከነበስር ንፈቱ። መንእሰይ ዩኑስ በዚ ኣጋጣሚ’ዚ፡ ንኩሎም ዝተሓባበርዎ ኣሕዋትን ኣሓትን ክብ ዝበለ መጎስን ምስጋናን የመሓላልፍ ምህላዉ ንሕብር።
መንእሰይ ዩኑስ ሎሚ፡ ከም ኩሎም መሳትኡ፡ ኣብ’ታ ጅግና ወላዲኡ ዝተቓለሰላን ዝተሰዋኣላን ሃገር ከቢሩ ክነብር ምተገበአ፣ ኮይኑ ግን ብሰንኪ ሃገርና ትሓልፎ ዘላ ኩነታት፡ ክስደድ ተገዲዱ። ግዜ ይንዋሕ ወይ’ውን ይሕጸር፡ ስድራ ቤት ስዉእ ወድ ዓሊ ኣብ’ታ ዝፈትውዋ ሃገሮምን ኣብ ሕቕፎ ህዝቦምን ከቢሮም ክነብሩ ምዃኖም ኣየጠራጥርን ኢዩ።
ግዱሳት ሃገራውያን
Short URL: https://english.farajat.net/?p=9453