ድምጺ ዝሰአኑ
ኣብ ፈቀዶኡ ዝተዳጎኑ
ሐርበኛታት ጀጋኑ
ክዝክሮም መሪጸ
ምዓስ ቀቢጸ
ኣብ ልበይ ኣለዉ፣
ዝመጸ እንተ መጸ
እቲ መሪር ቃንዛ
እቲ ሕሱም ጸበባ
አየ ተካል ዓጸባ
ስዓታት ምስ ኮነ መዓልታት
ኣዋርሕ ምስ ኮነ ዓመታት
መኣዝን ጊዜ ጠፊኡኩም
ቦታ ኣልቦ ኮይንኩም
ኤሕዋተይ/አሐተይ፡ አባይኩም፣ አባይኩም
ጊዜ ምስ ነውሔ ምስ ተጎተ
ምስ ከረረ ናይ ሕልና መጎተ
ብዙሕ ተመራሚርኩም ትክኑ
አበሳኩም ክትፈልጡ ክትዕቅኑ
ቃንዛኩም ዝቓንዛና
እወ! ብዙሐት ኢና
ንሕና’ውን ብወገና
ሕልናና መርሚርና
እንሆ ብያነና
እንተ ዝኮነነልና
እንተ ዝሰልጠልና
ከም ዑፍ በሪርና
ከም ወንጭር ሐኒና
መውጻእናኩም ነጻ
ምበልናኩም ሐራ
ብዘይ ፍርዲ፣ ፍትሒ
ወላ ንሐንቲ ወርሒ
ዘእስር ገበን
የብልኩምን፤ አበደን! አበደን
ወልደስላሰ ተስፋይ ዑመር
12/1/06
Comments