ሰላም ዘይብላ ሃገር
ጸሓይ በሪቕሉ ሌባ ከዳናግር
ብተስፋማርያም ወ/ጊዮርጊስ ኖርወይ 17/01/07
ቅጭጭ ዘይብሎ ኤሪትራዊት ኣደ ጾማ ክትሓድር
መሬት ከዊሓ እንከላ ኣጸባቢቑ ሓስ.ዩ ዘዳናግር
ንጹህ ደሞ እናተኾዖ ብናይ ህግደፍ ቀያሕቲ ሽብር
ኤሪትራዊ ንኽትብሎ ይኸብደካ ብዙሕ ትጠራጠር
ከም ኣፍ ዑንቊ ጸቢቡዋ ከም ዘሎ እናፈለጥና
ወዲጓና ከይተረፈ እና ሰክሐ ብሽግር ህዝብና
ሕማም ድዩ መርገም ለዂትዎ መልሓስና
ካብ ጨዃኒ ስርዓት ህግደፍስ ንሕና ገዲድና
ከምዘይ ትሰምዕ ኣጽቂጣ ዘላ ተካሊት እዝኒ
ተሓቢእካ ትዕዘብ ዘለኻ ሓዲግመዲግ ብጎኒ
ሃገር ምስተጎብጠት ከይትብል ነይሩና ነይሩኒ
ዛንታ ኮይኑ ከይተርፍ ትብል ኣላ ተራድኡኒ
ኣውያት ከይኸውን ምስ ዓወረት ብሌን ዓይኒ
ውድበታት ኣይሰርሓን ክበሃል ይስማዕ ክዕለል
ሓቂን ንጽህናን ስለ ዘየለ ተታሓሒዘን ሰንከልከል
እዚ ንፈልጥ እንተኾና ድኣ ነነብስና ዘይንውክል
ስርሑ ወይ ኣልግሱ ኢልና ጉዳይና ዘይነሳላስል
ማዕዶ ኾንካ ሕሜት ንሃገር ጉድኣትዩ ዓቢ ወንጀል
ኣይሰርሑንዮም ወልፎም ኣኸባዩ ብኡዮም ዝዓግቡ
ህግደፍ ከምዚ በለት ከምዚ ፈጠረት ጸብጻብ ዝህቡ
ህግደፍሲ ፍጊዕ ኢሉናሎ ካልእ ቁብነገር ተዛረቡ
ብዛዕባ ወረስ መርበባት ኣለውና ብትኩሱ ዘቕርቡ
ዕድመ ንማዕከናት ረድዮ ሰጋእ ከይበሉ ጉዱ ዘቃልቡ
ለይትን መዓልትን ብትግሃት ንህዝቦም ዝሰርሑ
ቆራጻት ፍቕሪ ሃገሮም ዘቐድሙ ዘይፈርሑ
ኣበይ በጽሐት ህግደፍ እናበሉ ገዛኣ ዝኹሕኩሑ
ካብ ውድብ ንላዕሊ ህዝቦም ዝሕብሕቡ ዘናቓቕሑ
ትምርቖን ትዎቕሶን ትንእዶን ኣይሰኣን
ብጉዳይ ሃገር ተዘይኮይኑ ውልቃዊ ጽልእስ
ኣይግድን
ዘለኣለማዊ ዝኽሪ ንስውኣትና
ኣሜን
Short URL: https://english.farajat.net/?p=3589
Posted by 
