ዓመት ንዓመትየ የስግረና !
ጥምርትን፡ ምዕብልትን፡ ሰላምን፡ ፍትሕን፡ ደሞክራስን፡ ዝመልኣ ሃገር ንኽትከውን ብዘይዕርፍቲ ለይትን መዓልትን፡ ኣብ ጻዕርን ሓርኮትኮትን እትርከከቡ ኩላትኩም 2007 ዓመተ-ጥዕናን ዓወትን፡ ዓመተ-ፍቕርን ሰላምን፡ ዓመተ-ሕውነትን ሓድነትን፡ ዓመተ-ምትካል ሕዝባዊ መንግስትን፤ ውድቀት ምልካዊ ስርዓትን እተበስር ዓመት ክትኮነልና ሰናይ ትምኒተይ እገልጽ፡፡
ብፍቕሪ ሃገርካ ተመሊእኩም
ንክብሪ ሃገርን ሕዝባን ትቃለሱ ዘሎኹም
ሕድሪ ሕዝብናን ሰማእታትናን ዘይጠለምኩም
ናብ 2007 ኣምላኽ ብጽቡቕ የሳግርኩም
ብሓባር ዝጽዓርናሉ ናጽነትና
ንኽሕሎ ሰብኣዊ መሰላትና
ከምዝተጸበናዮ ግን ጌና ዘይኮነልና !
ትምኒትና ክሰምረልና ክግሃደልና
ኣብ 2006 ዝዓንበበ ስራሓትና
ኣብ 2007 ኣብ ፍረ ክበጽሓልና
ሃየ ንስራሕ ኢደ ኢድካ ኢልና
ሓድነትና ኣትሪርና ኣስሚርና
እንደገና ክድልድሉ ኣዕኑድ ሃገርና
ሓቢርና ንቃለስ ተስፋ ከይቆረጽና
ንምልካዊ ስርዓት ኣባሪርና
ናብ ረብሓ ሕዝብና ቀይርና
ክንተክል ሕዝባዊ ስርዓትና
ዓመተ ክልተ ሽሕን ሸውዓተን
ብዝያዳ ጥበብን ክእለትን
ክንሓፍሰላ ኢና ብስለትን ዓወትን
ንተንኮል ምልካዊ ስርዓት በናጢስና
ዝናር ሕግን ፍትሕን ሓቅን ተዓጢቕና
ካብ ባርነት ሕጊ-ግደፍ ከነናግፎ አሎና ንሕዝብና
ዝኽርን ክብርን ንጀጋኑ ሰማእትታትና
ጥርጥር የለን ናይ ግድን እዩ ዓወትና
2007ን ይግበራ ዓመት ጭቁን ሕዝብና
ዕድመን ጥዕናን ከኣ ንኹላትና
ኣብራሃም ተኽለ
ፍራንክፈርት 24.12.06
Short URL: https://english.farajat.net/?p=1410
Posted by 
