ንቕያ ሰ.ሰልፊ ኣውስትራልያ

ብተስፋማርያም ወ/ጊዮርጊስ ኖርወይ 11/01/07

            ካብ ደ.ኣፍሪቃ ክሳብ ኣውስትራልያ ተበራቢሩ

            ምረት ህዝቡ ሳቕይዎ ተቖጢዑ ኣንጸርጺሩ

            ተታሊሉ ዝነበረ ህግደፍ ዝተጻዕኖ ኣብ ማእገሩ

            ውረድ ካብ እንግደዓይ ይኣኽለካ ክብሎ ጀሚሩ

                    ራኣናዮ ሰ.ሰልፊ ናይ ኣውስትራልያ ኣሕዋትና

                     ኣብ ጫፍ ዓለም ኮይኖም ከእውይሉ ንህዝብና

                     ግርማ ዝዓሰሎ ብሓበራ ኣስላምና ክርስትያና

                     ብዘይ ቀላዓለም ካብ ልቢ ዝሰረጸ ብቕንዕና

                     ሕማም ርእሲ ንህግደፍ ዓወት ንህዝብና

             ኣውራጃታት ሃይማኖታት ሓቢረን ምስ ተኣከባ

             ህግደፍ ጥሒሉ ኣብ መዋጽኦ ዘይብሉ ዓጸባ

             ተማዕዱው ዝነበረት ተሓዊሳ ምስ ተፍቅሮ ህዝባ

             ሰናይ ግዜ መጸ እንጻናበረሉ ከም መዓረ ጸባ

             ዓቢ ጽፍዒትዩ ንደቂ ቲቪ ኤረ መኳማሳዕቲ ዘረባ

                       ናይ ኣውስትራልያስ ንበይናያ ገለ ኣላታ

                       ነዚዩ እምበኣር ፍርፍር ድቃስ ዝኸልኣታ 

                       ድሓን ትእቶ ኣርባዕተ ውጹዓት ዑቕባሕቲታ

                       ሕጅውን እዝንኺ ፍርፍር ኣብልዮ መወዳእታ 

                       ህግደፍ ተማሕያ ክትቡንቆር ካብ ሱራ ላዓታ

                       ጻማኺ ክትክፈሊ ተጸበዪ መጻእና ንዓመታ

            ካብ ቃልሲ ሪሒቑ ዘሎ ዘይበርሃሉ ንግዚኡ

            በለጽን ፍርሕን ካልእ ነገራቱን ንጎኒ ኣጸጊዑ

            ጽባሕ መጻኢዩ መርሓባ ንበሎ የፍቅድ ሕልናኡ

            ብስብከት ህግደፍ ተጋሪዱ እምበር ማዓስ ጸሊኡ

                   ሃገር ንመን ርሒቓ ንመንከ ዝያዳ ትቐርቦ

                   ድሒርና ዘለና ኢደይ ኢድካ ንበል ሳምቦስምቦ

                   ብግብሪ ንዝሰርሐ ኢና ንብሎ ቆራጽ ባዓል ሓቦ

                   ተበታቲኑ ዘሎ ክምለስ ትውልዲ ሃገሩ ኣብ ዓደቦ

                   ጭፍራ ህግደፍ ከይሃደመ ብሸዓ ከርዲና ክንከቦ

                                ግዜ ራህዋ ይቀራረብ ኣሎ   

                                            ኣሜን

Short URL: https://english.farajat.net/?p=3586

Posted by farajat on Jan 11 2007 Filed under Poetry. You can follow any responses to this entry through the RSS 2.0. You can leave a response or trackback to this entry