ሓኺል ድሙ ሃገራዊ ዋዕላ

ግጥሚ

ብኣንቶንዮ ተስፋይ

3 ሚያዝያ 2010

ነውራም ሓኺሊ ድሙ

ኣብ ናሕሲ ሰፈሩ

ከምኡ’ሉ ከሪሙ

እከይ ግብሩ

ዝሓዘ ሒዙ

ናብ ናሕሲ

ላኼማ መሪዙ

መዳኸሚ ቃልሲ

ውረድ ግዳ

መሬት ርገጽ

ርኸብ ማዕዳ

ኣይትረበጽ፡

መኻይድኻ ይትረስዕ

ድሓር ከይትምለስ

ምቕሊት ፍልለጥ ኣይትሰስዕ

ብሕጊ ተቃለስ

ሽላ ኣሎ

ናሕሲ ኣይትፍቶ

መንጢላ ኣሎ

ተዓቖብ ኣብ ባይቶ፡

ንድሕነት ህዝቢ

ንድሕነትካ

ንኽብረት ሃገር ናቢ

መጻኢ ዕድልካ፡

ናሕሲ መዓስ የጽልል

ከይትድወን

ዘይምሱል ኣይትምሰል

ንህዝብኻ ሕሰብ ሓልን፡

ሎሚ ብሓጥያትካ

ንሕና ክንናሳሕ

ተመልስ ካብ ጌጋኻ

ክንረብሕ ጽባሕ፡

ዘይግባእ ኣብ ክንዲ ኣንጻርካ ንስሓ

ስሕተት ካልኦት

ጸጋ ክውረድ ፍስሓ

ሂወቶም’ዃ ከፊሎም ብጾት፡ ….. ካልኦት ዝገብርዎ ጌጋስ ክንስሓሎም ጸገም የሎን።

ግን ንናይ ሓሶት ጸለመ ማእለማ

ኣብ ቅድሚ ህዝቢ

ንሓደ ውሱን ዕላማ

ግቡእቡና’ዩ ክንብል እምቢ፡

እምቢ ንስለ ሓቂ

ህዝባዊ ረብሓ

ሙሉእ ሰልፋዊ ቅዋምና ዘይብሃለና ፍርቂ

ዲሞክራሲያዊ፡ ሓድነታዊ ኣርሓ፡

ሰላም ንኩሉ

ፍትሒ ምስ ኩሉ

Short URL: https://english.farajat.net/?p=600

Posted by farajat on Apr 5 2010 Filed under Poetry. You can follow any responses to this entry through the RSS 2.0. You can leave a response or trackback to this entry