ጭፍራ ህግደፍ/ዴምህት… ኣኺላያ ሰዓት
መርዛም ጭፍራ… ህግደፋዊ መዓት
ትቀላቀል ኣላ… ናይ ዕንወቱ ሰዓት
ኢሂን ምሂን ንበል ነጥፈኣያ ስግኣት
ንቃወሞ ሓቢርና ውልቀ–መላኺ ስርዓት
ካብ ሱሩ ይለቀቅ ክርዳድ ክፉእ ውዲት
ሓቢርና ንመክት… ንገስግስ ንቅድሚት
ነድሕና ሃገርና ካብ ህግደፍን ዴምህት
ንጨፍልቆም ብሓባር… ተመነ ዕንቅርቢት
ስንቂ ኣደና ኮነ… ስቃይ ሓዘን ንብዓት
ኣቦና ተኣሲሩ… ብዘይ ሕጊ ስርዓት
ጎበዝና ተሰዲዱ… ወሪድዎ ግፍዓት
ኢደይ ኢድካ ንበል… ኣኺላያ ሰዓት
ሓላፍነትካ ተሰከም… ሃገራዊ ሰራዊት
ኣድሕኖ ህዝብኻ ካብ ፋሺስታዊ ኣራዊት
ብትብዓት ተቃለስ አካሽሓዬ እቲ ውዲት
ፎእ… ንበሎም.. ንህግደፍ ምስ ዴምህት
ተረሲዑ ዲዩ… ሕድሪ ጀጋኑ ሰማእታት !?!
ተጠሊሙ ዲዩ… መስዋእቲ ብሉጻት ተባዓት !?!
ንግጠሞ ሓቢርና ንኹሉ እቲ ጭቆና መዓት
ይወገድ… ኩሉ ባርባራዊ ጸገማት ግፍዓት
ወዲ አከለ ሰራየ… ሐማሴን ምስ ጋሽ ሰቲት
ወዲ ሳሕል ሰምሃር… ዳንካሊያ ምስ ሰንሒት
አድሕና ሃገርካ ብሓቦ.. ክትቀስን ወላዲት
ይንገስ ፍትሒ.. ቅዋም.. ሕጊ.. ሃገራዊ ስርሒት
ይደምሰስ ይጨፍለቅ ብሉይ ጨቋኒ ግዝኣት
ገረድ ንግበረሉ… ስቃይ መከራ ጥፍኣት
ንቃለስ ብግብሪ.. ክንጓናጸፍ ዓወታት
ክንሃንጻ ሃገርና… ክነጥፋ እተን ወደባት
ጭፍራ ህግደፍ ይደምሰስ.. እዚ ሕሱም ስርዒት
ምልኪ ይወገድ.. ይትሓደስ.. ኩሉ ብላይ አረጊት
ኤርትራና ትማዕብል.. ነጻ ትኹን.. ኣብነታዊት
ክትወግሕ ኢያ.. ዬሃና.. ንኹሉ ሃገራዊ ስርሒት
ብ/ መሓመድ ሳ. ኣሕመድ
14/11/2014
Short URL: https://english.farajat.net/?p=9041
Posted by 
