Section

Articles

Writers Cornner

መድረኽ ንሓባራዊ ዘተ V ጸዋዒት ንዝበረኸ ህዝባዊ ምንቅስቓስ ንሓርነት!!(መልእኽቲ ንኹሉ ደላዪ ፍትሒ ብፍላይ ከኣ ንመንእሰይ ወለዶ)

ድሕሪ ምቕልቃል መድረኽ ንሓባራዊ ዘተን ፍሽለቱን ብዙሕ ዘይርጉእን ስምዒታውን ፖለቲካዊ ተዋስኦ ክርኣዩ ጸኒሖም’ዮም፡ ፤መድረኽ ንሓባራዊ ዘተ እቲ ዘይቅርዑይን ፈላላዪ ፖለቲካዊ ጉዕዞኡ ካብ ህዝቢ ሓያል ተቛውሞ ኣጋጢምዎ ከም ጻሕሊ ድሕሪ ምስብባሩ ይኾነለይ’ዶይኸውን ዝብል ኣጉል ፈተነ እታ ጉጅለ ህግደፍ ዝጥቀመላ ናይ ፈላሊኻ ግዛእ ሜልኡ ብተደናገጽቱን ከደምቱን ኣቢሉ ክሰርሓሉ ጸኒሑን ኣሎን፡ ፤ተደናገጽቱን ደገፍቱን ኣብ ሾሻል ሚድያ ወጽዮም ኣብ ልዕሊ ሓቀኛታት ደለይቲ ፍትሒ ብኣውራጃውነት ክኸሱ’ውን ሕፍር ኣይበሉን፡ ፤ኣካይድኦም ጸንኪሩ፡ ህዝብን ሃገርን ክሓቚፉ ብዘይምኽኣሎም ቁሉውላው ስለ ዝኣተዎም ብተደጋጋሚ ኣብ ሬድዮኦም ተዋስኦ ክሰርሑ’ኳ እንተፈተኑ ኣዎንታዊ መልሲ ክረኽቡ ግን ፍጹም ኣይከኣሉን፡ ፤ፍሽለቶም ውጽኢት እቲ ፈላላዪ ጠባዮም’ዩ ክብሃል ይክኣል ምኽንያቱ ለውጢ ዘምጽእ መንእሰይ ሓይሊ ኣብ ክንዲ ዝሓቚፍዎ ክፈላልይዎን ብሕብሪ ዓይኑ ክመርጽዎን ምርጫ ወሲዶም፡

By farajat25/06/2014

Articles

ስጉምቲታት ኣብ ልዕሊ ውልቀ-መላኺ: ምስ ኤርትራዊ ክዉንነት ኣዛሚዳ ተርጓሚት

ፍረወይኒ ሃብተማርያም ኣቦይ ለባም ዝተባህለ ሓደ ፍላስፋ ኣብ ሓደ ኣዳራሽ ንብዙሓት ሰማዕቲ መግለጺ ንኽህብ ኣብ ዝቐረበሉ ግዜ፡ እቶም ሰማዕቲ በብሓደ ካብኡ ርሒቖም ገዲፎሞ ክወጹ…

By farajat25/06/2014

Articles

ጉዕዞ ንቦሎኛ ክንስዕስዕ ወይ ክንነብዕ???…2ይ ክፋል

ባህልን ልምድታትን ህዝቢ ኤርትራ ኣብ ዘይንቡር ሳዕስዒትን ዳንኬራን ዝተሰረተ ኣይኮነን፡ ፤ንሕና ክቡር ባህልን ልምድን እንውንን ህዝቢ በዚ ሕጂ ኣብ ስልጣን ዘሎ ኣጽናቲ ጉጅለ ኣብ ሜዳ ጸጊኡ ድሕሪ ናጽነት ዘሪኡ ዘተኣታተዎ ጽዩን በረኻዊ ባህሊ ተሸኒፍና ዘይንቡር ክንገብር ከም ሕብረተሰብ መጠን ልሙሳት ይገብረና፡ ፡ ኤርትራን ህዝባን ካብ ዝፍጠሩ ዝነበረና ወርቃዊ ባህልን ልምድታትን ኣብ ሓጺር ናይ ገድሊ እዋን ክጸንት ኣይምተገብኦን፡ ፤ሓልዮትን ፍቕርን ህዝብና ጠፊኡ፡ እንታይ ገደሰንን ውልቃዊ ጥቕምን ነጊሱ ጥራሕ ዘይኮነ ከም ህዝቢ ዝጠምረና ሓድነት’ውን ብሰንኪ ከፋፋሊ ጠባይ ምሕደራ ገድሊ መሰረቱ ነቕነቕ ኢሉ ይርከብ፡

By farajat25/06/2014

Articles

ሃገራዊ ዕርቂ’ዶ ሃገራዊ ፍትሒ??

ህዝቢ ኤርትራ ን30 ዓመታት ንመሰልን ሓርነትን ከናዲ ዘይስገር ሰጊሩ መስተንክራዊ ዓወት ፈጺሙ ናጽነት ከምጽእ እንከሎ ህርፋን ውግእን ህኮትን ኔርዎ ዘይኮነ ነቲ ብሰላማዊ መንገዲ ሓቲቱ ዝሰኣኖ መሰል ንምምላስ’ዩ ኣንጊሁ በረኻ ወጽዩ፡ ፤ብኣሽሓት ዝቑጸሩ ስንኩላትንስዉኣትን ከፊሉ ከኣ ናጽነቱ ተጎናጺፉ፡ ፤ተጋዳላይን ሓፋሽ ህዝብን ኢድን ጓንትን ኮይኑ ነቲ ብሓይሊ ዝረግጽ ዝነበረ መግዛእታዊ ሓይሉ ፈንጢሱ መሰሉን ኤርትራዊ ክብሩን መሊሱ ብሰላም ክነበር ዝነበሮ ባህጊ ግን ከም ውዑይ ማይ ሃፊፉ ተሪፉ፡ ፤እቲ ናጽነት ዘምጽአ ሓፋሽ ተጋዳላይ መሪሑ ዝኣተወ መሪሕነት ህዝባዊ ግንባር ናይ ሎሚ ህግደፍ መብጽዓ ስዉኣትና ጠሊሙ ብኢደ ወነኑ ዘውዲ ጨቢጡ ኣብ ክንዲ ህድግለነ ዝብል ሰይጣን ሰሪርዎ ብቀይዲ በተኽ ኣካይዳ ክሃልል መሪጹ፡ ፡ ኣይ ሰሙን ኣይ ሳልስቲ ነቲ ብሉጻት ከፊልና ዘምጻእናዮ ናጽነት ከም ናይ ብሕቱ ዓወት ቆጺሩ ንምሉእ ህዝቢ ኤርትራ ብባርነት ክረግጽ ጌጋ ናይ ታሪኽ ምርጫ ወሲዱ፡ ፤ብሰንኪ ጽዩን ምሕደርኡ ከኣ ኣብ ዞባና ጎብለል ክኸውን ሓለመ፡

By farajat25/06/2014